ზარა ფიტიანი | Zara Phythian

ზარა ფითიანი ინგლისელი მსჯავრდებული სექსუალური დამნაშავეა; ყოფილი მსახიობი, კასკადიორი და საბრძოლო ხელოვნების ოსტატი/ინსტრუქტორი. იგი ცნობილია ფილმებში „დოქტორი სტრეინჯი“ (2016), „მორგანი“ (2016) და „კანიბალები და ხალიჩების ოსტატები“ (2017) მონაწილეობით. მან შოტოკან კარატეს შესწავლა შვიდი წლის ასაკში დაიწყო და მოგვიანებით ტაეკვონდოზე გადაერთო. 2006 წელს ის გახდა პირველი ბრიტანელი საბრძოლო ხელოვნების ოსტატი, რომელიც საერთაშორისო კარატესა და კიკბოქსინგის დიდების დარბაზში (IKKHoF) შეიყვანეს. 2015 წელს იგი დაქორწინდა პროდიუსერ/რეჟისორსა და საბრძოლო ხელოვნების ინსტრუქტორ ვიქტორ მარკეზე, რომელიც მასზე 20 წლით უფროსია და ასევე მასთან ერთად იყო მსჯავრდებული. წყვილი ერთმანეთს მაშინ შეხვდა, როდესაც ის ზარას საბრძოლო ხელოვნების ინსტრუქტორი იყო. 2022 წლის მაისში იგი დამნაშავედ ცნეს არასრულწლოვანთა მიმართ 14 სექსუალური დანაშაულისთვის და 13-დან 15 წლამდე ასაკის გოგონას სექსუალურ ძალადობაში - 2005-დან 2008 წლამდე პერიოდში, როდესაც ის დიდ ბრიტანეთში საბრძოლო ხელოვნების ინსტრუქტორებად მუშაობდა, მეუღლესთან, ვიქტორ მარკესთან ერთად. მას რვა წლით თავისუფლების აღკვეთა მიესაჯა, ხოლო ვიქტორს 14 წლით თავისუფლების აღკვეთა მიესაჯა ერთი და იგივე მსხვერპლის ერთობლივი ძალადობისთვის, ასევე მეორე გოგონას მიმართ უხამსი ფიზიკური ძალადობისთვის დამოუკიდებლად.