ლარა პულვერი | Lara Pulver

ლარა დაიბადა და გაიზარდა კენტში, დიდ ბრიტანეთში. მან დრამატურგია შეისწავლა ნიუ-იორკის ხელოვნების ინსტიტუტში და თეატრის განხრით ბაკალავრის ხარისხი მიიღო. ლარას თეატრალური კარიერის განმავლობაში რობ აშფორდის დადგმაში „აღლუმი“ ლუსილ ფრენკის განსახიერებისთვის ლორენს ოლივიეს პრემიაზე იყო ნომინირებული The Donmar Warehouse-ში. იგი მიიწვიეს ლოს-ანჯელესში, The Mark Taper Forum-ში, TR Knight-თან (Grey's Anatomy) ერთად როლის ხელახლა შესაქმნელად, რამაც კრიტიკოსების დიდი მოწონება დაიმსახურა. ლარას ეკრანული დებიუტი 2008 წელს შედგა BBC-ის პრაიმ-თაიმის შოუში „რობინ ჰუდი“, სადაც მან იზაბელა გისბორნი შეასრულა. შოუ უდიდესი საერთაშორისო წარმატებაა და BBC America-ზე შაბათს საღამოს, 8/9c საათზე გადის. მან ახლახან დაასრულა პიტერ მორგანის (Frost/Nixon, The Queen) ახალი ფილმის, „განსაკუთრებული ურთიერთობის“ გადაღება, რომელშიც მთავარ როლებს მაიკლ შინი და დენის კუეიდი ასრულებენ.