ჯეი რ. ფერგიუსონი | Jay R. Ferguson

ჯეი როულენდ ფერგიუსონ უმცროსი (დაიბადა 1974 წლის 25 ივლისს) ამერიკელი მსახიობია. ყველაზე უკეთ ცნობილია, როგორც ტეილორ ნიუტონი სერიალში „საღამოს ჩრდილი“ (1990-1994), სტენ რიცო სერიალში „შეშლილები“ (2010-2015) და ბენი სერიალში „კონერები“ (2018-დღემდე). ფერგიუსონი დაიბადა დალასში, ტეხასის შტატში. 1989 წელს ფერგიუსონმა ითამაშა პონიბოი კერტისის როლი ს. ე. ჰინტონის რომანის „უცხოების“ სატელევიზიო ადაპტაციაში.[1] მისი ცნობილი სატელევიზიო როლებია ტეილორ ნიუტონი CBS სიტკომის „საღამოს ჩრდილის“ ოთხ სეზონში, დოქტორი ტოდ ჰუპერი სერიალში „ემის განსჯა“, რიჩ კონელი 2005 წლის NBC-ის სატელევიზიო სერიალში „ზედაპირი“, აგენტი უორენ რასელი Showtime-ის სერიალში „მძინარე უჯრედი“, სტენ რიცო AMC-ის სერიალში „შეშლილები“ და პეტ ო’ნილის, ო’ნილების ოჯახის მამის, როლები ABC-ის სერიალში „ნამდვილი ო’ნილები“. მის კინოროლებს შორისაა ბილი ფილმში „უმაღლესი განათლება“, ელმერ კონვეი ფილმში „მკვლელი ჩემში“ და კიტ კლეიტონი ფილმში „იღბლიანი“. 2018 წელს მან ჩიპ კარი ითამაშა CBS-ის სიტკომში „ბიბლიურად ცხოვრება“. 2018 წლიდან ის დარლინის უფროსის (და საბოლოოდ საყვარლის), ბენის როლს თამაშობს ფილმში „კონერები“.